Ուկրաինայի նախագահ Վլադիմիր Զելենսկին առաջարկել է Իրանի դեմ 50 տարով պատժամիջոցներ սահմանել. այս մասին ասվում է նրա կողմից Ուկրաինայի Գերագույն ռադային ներկայացված բանաձևի նախագծում, գրում է ՌԻԱ Նովոստին:

Փաստաթղթի համաձայն՝ առաջարկվում է ամբողջությամբ արգելել երկրի հետ առևտրային գործառնությունները, դադարեցնել ռեսուրսների, թռիչքների և փոխադրումների տարանցումը Ուկրաինայի տարածքում և կանխել իրանցիների կապիտալի դուրսբերումը հետխորհրդային հանրապետությունից։ Առաջարկվում է նաև արգելք մտցնել Իսլամական Հանրապետությունում ցանկացած ներդրման և ռեզիդենտների կողմից տեխնոլոգիաների, մտավոր սեփականության իրավունքի օբյեկտների նկատմամբ իրավունքների փոխանցման վրա։