«Դի Սի Յունայթեդի» գլխավոր մարզիչ և «Մանչեսթեր Յունայթեդի» նախկին ֆուտբոլիստ Ուեյն Ռունին գնահատել է արգենտինացի հարձակվող Լիոնել Մեսսիի հեռանկարները MLS-ում։ Այս մասին գրում է Armsport.am-ը։ 

«Մեսսիի համար ամեն ինչ պատրաստ է. Նրա մոտ եկան նրա ընկերները՝ Սերխիո Բուսկետսն ու Խորդի Ալբան։ Հավանաբար նրանց կմիանան Ինյեստան ու Սուարեսը։ Մեսսին ունի մարզիչ, որին սիրում և վստահում է. MLS-ի համար սա շատ կարևոր է։ 

Այնուամենայնիվ, Մեսսիի համար այստեղ հեշտ չի լինի։ Խենթ է թվում, բայց խաղացողները, ովքեր հայտնվում են այստեղ, համարում են, որ դա դժվար առաջնություն է: Տեղափոխություններ, տարբեր պայմաններ տարբեր քաղաքներում, իսկ խաղադաշտում մեծ էներգիա ու լարվածություն կա։ Ամերիկացիները սիրում են հաղթողներին. Առաջին հերթին նրանք ցանկանում են տեսնել վարպետությունը և զվարճանալ, իսկ Մեսսին տալիս է ամեն ինչ»,- Ռունիի խոսքերն է փոխանցում Goal-ը:

Մեսսին «Ինտեր Մայամիի» կազմում իր նորամուտը կարող է նշել հուլիսի 21-ին մեքսիկական «Կրուս Ազուլի» դեմ խաղում: