ՏԵՍԱՆՅՈՒԹ․ Խոշոր չափի գողություն՝ ղազախական բանկերից մեկում․ մանրամասներ
Ղազախական բանկերից մեկի աշխատակիցը խալաթի թևի գրպանից ավելի քան 602 մլն տենգե է (524. 311.567.64 դրամ) հանել։ Այս մասին գրում են ռուսական թելեգրամյան ալիքները՝ վկայակոչելով տեղական լրատվականներին։
Նշվում է, որ նա երեք տարվա ընթացքում մաս-մաս հանել է գումարը բանկից։ Պակասորդը նկատվել է բանկի պահոցում՝ դրամական միջոցների ստուգման ընթացքում։
Հաղորդվում է, որ գողության փաստերն արձանագրել են տեսախցիկները, կասկածյալն էլ խոստովանել է իր ենթադրյալ հանցագործությունը։
Պարզվել է նաև, որ աշխատակիցը գումարը պարտվում էր բուքմեյքերական գրասենյակներում ։