Երեկ՝ մարտի 13-ին, իրավապահները Սյունիքի մարզում հայտնաբերել են Ինֆորմատիկայի քոլեջի սանին առանձնակի դաժանությամբ սպանած անձին ու ծեծկռտուքի ևս երկու մասնակցի։ Այս մասին հայտնում է shamshyan.com-ը՝ կցելով տեսանյութ:

Ինչպես հայտնում է կայքը՝ նրանք հայտնաբերել են Սիսիանում։

Կայքը հայտնում է, որ սպանություն կատարողը մի քանի անգամ է դանակով հարվածել իր զոհին, անգամ երբ նա վիրավոր ընկած է եղել գետնին, ասել է, թե պետք է կոկորդը կտրի ու կտրել է։ Հաղորդվումէ, որ այդպես էին նշում վիճաբանությանը ականատես եղած մի քանի վկաներ, ովքեր հրաժարվել են տեսախցիկի առաջ խոսել։

Կայքի տեղեկություններով՝ վաղը քննչական բաժինը դիմելու է Երևան քաղաքի ընդհանուր իրավասության դատարան, որպեսզի դատարանը բավարարի քննիչի միջնորդությունը՝ նշված անձանց նկատմամբ որպես խափանման միջոց երկամսյա կալանք կիրառվի։