Մեծ Բրիտանիայի ՆԳՆ-ն հայտարարել է երկրից ռուս ռազմական կցորդին արտաքսելու մասին
Մեծ Բրիտանիան որոշել է վտարել Ռուսաստանի ռազմական կցորդին. Այս մասին մայիսի 8-ին հայտարարել է Թագավորության ՆԳՆ ղեկավար Ջեյմս Քլեվերլին։
«Մենք արտաքսում ենք ռուս ռազմական կցորդին, որը գաղտնի ռազմական հետախուզության սպա է», - ասել է Քլևերլին խորհրդարանում, որը մեջբերում է Reuters-ը:
Նախարարը հավելել է, որ նման գործողությունը հետևել է Ռուսաստանի գործողություններին, որոնք վնասում են թագավորությանը և Եվրոպային։
ՌԴ ԱԳՆ պաշտոնական ներկայացուցիչ Մարիա Զախարովան, մեկնաբանելով Մեծ Բրիտանիայի այս որոշումը, ՌԻԱ Նովոստիին ասել է, որ Ռուսաստանը համարժեք պատասխան կտա ռազմական կցորդի արտաքսմանը։
Ավելի վաղ՝ մայիսի 6-ին, Ռուսաստանում Մեծ Բրիտանիայի դեսպան Նայջել Քեյսին կանչվել էր ՌԴ ԱԳՆ։ Նախարարությունը հայտնել է, որ Քեյսին նախազգուշացվել է թագավորության տեխնիկայի և ռազմական օբյեկտների վրա ռուսական պատասխան հարվածների մասին, որոնք կարելի է սպասել, եթե Ուկրաինան հարձակում սկսի ռուսական տարածքի վրա՝ օգտագործելով բրիտանական զենքը:
