Այսօր Վերաքննիչ դատարանում Ռոբերտ Քոչարյանի վերաբերյալ որոշման հրապարակումից հետո մեղադրանքը ներկայացնող դատախազ Պետրոս Պետրոսյանը հայտարարեց, որ դատարանի որոշումը պետք է անհապաղ կատարվի, ինչը նշանակում է, որ որոշման հրապարակման պահից հետո Ռոբերտ Քոչարյանը պետք է կալանավորվի։

«Որոշումն ուժի մեջ է մտնում հրապարակման պահից և այն պետք է կատարվի անհապաղ», - ասաց դատախազը։

Նկատենք, որ այսօր Ռոբերտ Քոչարյանի և մյուսների գործով Վերաքննիչ դատարանը՝ դատավոր Արմեն Դանիելյանի նախագահությամբ, բավարարել էր մեղադրող դատախազների, ինչպես նաև տուժողների, տուժողների իրավահաջորդների միջնորդությունները։