Սերժ Սարգսյանը Արցախից բացի, որևէ այլ վայրում անշարժ գույք չունի. պարզաբանում
Սերժ Սարգսյանը Արցախից բացի, որևէ այլ վայրում անշարժ գույք չունի, հայտարարում են ՀՀ 3-րդ նախագահի գրասենյակից։
«Դատախազությունը պատրաստակամորեն ուսումնասիրություն է սկսել «Սասնա ծռեր» կազմակերպության հերյուրանքի հիման վրա, որը, ի դեպ, հանրության շրջանում առավել հայտնի է «ահաբեկչական խումբ» անվամբ: Այդ ուսումնասիրության արդյունքը կլինի լավագույն պատասխանը վերոհիշյալ հերյուրանքին:
Ավելացնենք, որ Սերժ Սարգսյանը Արցախից բացի, որևէ այլ վայրում անշարժ գույք չունի», - ասված է գրասենյակի տարածած հայտարարությունում։
