«Հարուստ մշակույթ, հրաշք բնություն, համեղ սնունդ, ջերմ հյուրընկալություն». Իտալացի բլոգերները Հայաստանում են
Հինգ օր շարունակ իտալացի ճամփորդական բլոգերներ, որոնք «Ինստագրամ», «Յութուբ», «Ֆեյսբուք» հարթակներում ունեն հազարների ու նույնիսկ միլիոնների հասնող հետևորդներ, ճանաչողական այցով Հայաստանում էին Զբոսաշրջության կոմիտեի և Ryanair բյուջետային ավիաընկերության հրավերով։
Հարուստ մշակույթ, հրաշք բնություն, համեղ սնունդ, ջերմ հյուրընկալություն և էքստրեմալ տուրիզմ` Հայաստանն իր ողջ գրավչությամբ ճանաչելի դարձավ իտալացիներին:
Վառ տպավորությունները կիսելով իրենց հարթակների միջոցով` Հայաստանը ավելի հասկանալի, գրավիչ է դառնում հազարավոր ճամփորդասեր հետևորդների համար Իտալիայում և նրա սահմաններից դուրս։
