Բանակում փոքր հզորության ռադիոկայանի ղեկավարն այսօր արդեն մեծ հզորության ռադիոկայանը էլ ավելի է հզորացնում Արցախում
Հարգելի ռադիոլսողներ, բոլորդ հիանալի գիտեք, որ Radio Aurora-ն հեռարձակվում է 100.7 FM հաճախականությամբ` ինչպես Հայաստանում, այնպես էլ Արցախում: Պարզապես օրերս, պատերազմի սկսվելուն պես, մենք ավելի ակտիվացրեցինք (հզորացրեցինք) Ավրորայի հեռարձակումը Արցախում: Այդ գիշեր մեր տղաները և տնօրենը վերադարձան Արցախից: Այժմ այն լուրերը, որոնք մենք հաղորդում ենք, լսում եք ոչ միայն դուք և մեր հիանալի զինվորները, նաև մեր հակառակորդը: Անկասկած, նրանց այնքան էլ դուր չի գալիս այս փաստը:
Եվ ես ուզում եմ ձեզ մի փոքր գաղտնիք էլ պատմել (պարզապես մի ասեք մեր տնօրեն Միքայել Ջանփոլադյանին): Նրա ռազմական գրքույկում դեռ 1.988 թ.-ին, Ռազմական մասնագիտություն և պաշտոնական որակավորումներ սյունակում ` գրառում էր կատարվել «Փոքր հզորության ռադիոկայանի ղեկավար»: Ահա այսպիսի ճակատագրական գրառում: Ինչպես ասում ենք` անցել է երկար ու ձիգ տարիներ, և Ավրորայի տնօրենը, հավատարիմ մնալով իր սկզբունքներին և առաքելությանը, այժմ «Մեծ» հզոր ռադիոկայանի ղեկավարն է: Այո՛: Այսօր Radio Aurora- ն, և մենք `Aurora News-ի լրատվական ծառայությունը, Արցախում հեռարձակում ենք բարձր հզորությամբ, 100.7 հաճախականությամբ, և դա մեր մարտադաշտն է՝ մեր ճակատը: Մեր ներդրումը հաղթանակի մեջ: Շնորհակալություն, սիրելի ունկնդիրներ, ձեր սիրո, ուշադրության, աջակցության և բարի խոսքերի համար: Մենք աշխատում ենք ձեզ հետ:
