Մայիսի 1-ին, ժամը 08:34-ին Ճգնաժամային կառավարման ազգային կենտրոն ահազանգ է ստացվել, որ Երևանի Թևոսյան փողոցում գտնվող չշահագործվող գործարանի 3-րդ և 4-րդ հարկերից ծուխ է նկատվում։ Այս մասին հայտնում են ԱԻՆ-ից։ 

Հրդեհի բարդության «1 ԲԻՍ» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և ավտոսանդուղք։ 

Հրդեհը մեկուսացվել է ժամը 09։07-ին, մարվել՝ 09։42-ին։ 3-րդ հարկում այրվել են հիգիենայի պարագաներ: