ՀՀ սպառողական շուկայում 12-ամսյա գնաճը կազմել է 8.9 %, իսկ նախորդ ամսվա նկատմամբ գրանցվել է 0.1 % գնանկում։ Այդ մասին տեղեկացնում է Վիճակագրական կոմիտեն։

Յուղերի և ճարպերի ապրանքախմբում 2021թ. սեպտեմբերին 2020-ի համեմատ արձանագրվել է 27,1% գնաճ, իսկ 2021-ի օգոստոսի համեմատ՝ 0,8% գնանկում (արևածաղկի բուսական յուղի գնաճը 2021թ. սեպտեմբերին 2020թ. սեպտեմբերի համեմատ կազմել է 55,1%, իսկ 2021թ. օգոստոսի համեմատ գրանցվել է 2 % գնանկում):

2021թ. սեպտեմբերին 2020թ. սեպտեմբերի համեմատ մսամթերքի ապրանքախմբում գրանցվել է 9%, իսկ 2021թ. օգոստոսի համեմատ՝ 0,1% գնաճ (խոզի մսի գնաճը 2021թ. սեպտեմբերին 2020թ. սեպտեմբերի համեմատ կազմել է 40,2%, իսկ 2021թ. օգոստոսի համեմատ՝ 1,1%):

Հացաբուլկեղենի և ձավարեղենի ապրանքախմբում 2021թ. սեպտեմբերին 2020թ. սեպտեմբերի համեմատ գրանցվել է 9,5%, իսկ 2021թ. օգոստոսի համեմատ՝ 0,8% գնաճ:

Հացի և ալյուրի գները 2021թ. սեպտեմբերին 2020-ի համեմատ աճել են 9,8%-ով և 6,7%-ով, իսկ 2021թ. օգոստոսի համեմատ՝ 0,9%-ով և 1,3%-ով:

Ձկան և ծովամթերքի ապրանքախմբում 2021-ի սեպտեմբերին 2020-ի համեմատ արձանագրվել է 27,7%, իսկ 2021թ. օգոստոսի համեմատ՝ 1,2% գնաճ (ձկնատեսակի գնաճը 2021թ. սեպտեմբերին 2020թ. սեպտեմբերի համեմատ կազմել է 31,6%, իսկ 2021թ. օգոստոսի համեմատ՝ 1,3%):

Կաթնամթերք, պանիր և ձու ապրանքախմբում 2021թ. սեպտեմբերին 2020թ. սեպտեմբերի համեմատ գրանցվել է 10%, իսկ 2021թ. օգոստոսի համեմատ՝ 2% գնաճ:

Ձվի գինը 2021թ. սեպտեմբերին 2020թ. սեպտեմբերի համեմատ աճել է 27,4%-ով, իսկ 2021թ. օգոստոսի համեմատ`3,9%-ով: 2021թ. սեպտեմբերին 2020թ. սեպտեմբերի համեմատ հանրապետությունում պանիրը թանկացել է 6,3%-ով, իսկ 2021թ. օգոստոսի համեմատ`2,6%-ով:

Շաքարի և շաքարավազի ապրանքախմբում 2021թ. սեպտեմբերին 2020թ. սեպտեմբերի համեմատ գրանցվել է 31,1%, իսկ 2021թ. օգոստոսի համեմատ՝ 5,5% գնաճ: 2021թ. սեպտեմբերին օգոստոսի համեմատ հանրապետությունում արձանագրվել է ոչ ալկոհոլային խմիչքի, սուրճի, թեյի, կակաոյի, ալկոհոլային խմիչքի և ծխախոտային արտադրատեսակների 0,1% գնաճ: