Ծովագյուղ–Շորժա ճանապարհին բեռնատար գնացքներ են միմյանց բախվել. Shamshyan. com
Հոկտեմբերի 13-ին, արտակարգ դեպք է տեղի ունեցել Գեղարքունիքի մարզում: Ժամը 12:00-ի սահմաններում Ծովագյուղ-Շորժա 118-րդ կմ Պիկետ 9-ում՝ «Ռակետա» հանգստյան գոտու հարևանությամբ, բախվել են Արարատի մարզի բնակիչ, 44-ամյա Հրաչ Բաբայանի վարած «Դրեզեն» և Ալավերդի քաղաքի բնակիչ, 34-ամյա Ռոման Թամազյանի վարած «Վեպեր» շինարարական գնացքները:
Ինչպես հայտնում է Shamshyan.com-ը, ըստ նախնական տեղեկությունների, բարեբախտաբար, տուժածներ չկան: Փաստի առթիվ նյութեր են նախապատրաստվում:
Գ. Շամշյանի տեղեկություններով՝ նշված բեռնատար գնացքները պատկանում են «Հարավկովկասյան երկաթուղի» ՓԲԸ-ին, իսկ Հ. Բաբայանն ու Ռ. Թամազյանը աշխատում են նշված ՓԲԸ-ում ՝ որպես մեքենավար: