Խոշոր ավտովթար Արարատի մարզում. BMW-ն տապալել է գազախողովակներն ու հայտնվել դաշտում. կան հոսպիտալացվածներ. Shamshyan. com
Այսօր՝ ապրիլի 8-ին, խոշոր ավտովթար է տեղի ունեցել Արարատի մարզում: Ժամը 19:00-ի սահմաններում BMW մակնիշի ավտոմեքենան Երևան-Երասխ ավտոճանապարհի 20-րդ կմ հատվածում դուրս է եկել երթևեկելի գոտուց, բախվել գազատար խողովակներին ու հենասյուներին և հայտնվել դաշտում:
Ինչպես հայտնում է Shamshyan. com-ը, վթարի հետևանքով 2 հոգի տարբեր աստիճանի մարմնական վնասվածքներով օպերատիվորեն ժամանած Արտաշատի հիվանդանոցի բժիշկների կողմից նախ տեղում առաջին բուժօգնությունն են ստացել, ապա տեղափոխվել «Էրեբունի» բժշկական կենտրոն:
Վիրավորներին առաջինը օգնության են հասել քաղաքացիները և օպերատիվորեն ժամանած Արտակարգ իրավիճակների նախարարության փրկարար ծառայության Արտաշատի հրշեջ-փրկարարական ջոկատի հրշեջ-փրկարարները:
Վթարի հետևանքով 25 երկաթյա հենասյուներ են տապալվել: Փաստի առթիվ նյութեր են նախապատրաստվում: Ոստիկանությունը պարզում է վարորդի և վիրավորների ինքնությունը:
Գ. Շամշյանի տեղեկություններով՝ վարորդն ու վիրավորը քույրեր են:
Մանրամասները՝ կայքում: