ՏԵՍԱՆՅՈՒԹ․ Ռուսական Առաջին ալիքի թղթակիցը վիրավորվել է Մարիուպոլում գնդակոծության հետևանքով
Ուկրաինայում հատուկ գործողության գոտում գնդակոծության ժամանակ վիրավորվել է ռուսական Առաջին ալիքի թղթակից Իրինա Կուկսենկովան։
Հերթական ռեպորտաժի նախապատրաստման ժամանակ Կուկսենկովայի նկարահանող խումբը հայտնվել է ուկրաինացի զինվորականների կրակահերթի տակ։ Թղթակիցը բեկորային վնասվածքներ է ստացել ոտքերի հատվածում, օպերատորը և ձայնային օպերատորը չեն տուժել։
«Երկու ոտքիս էլ բեկորներ են կպել։ Զինվորականներն անմիջապես հակաշոկային միջոց են ներարկել և տեղափոխել մոտակա հոսպիտալ»,- պատմել է Կուկսենկովան։
Թղթակիցն այժմ հոսպիտալում է և ավելի լուրջ հետևանքներից լրագրողին փրկել են ռուս զինվորականները։ Նրանք նույնպես տուժել են, և ներկա պահին նրանք էլ են բուժում ստանում։
