Արտակարգ դեպք՝ Երևանում. հսկայական բարդին տապալվել է և վնասել կայանված մի քանի ավտոմեքենաներ. Shamshyan. com
Այսօր արտակարգ դեպք է տեղի ունեցել Երևանում: Ժամը 20:30-ի սահմաններում ուժեղ քամու հետևանքով Երվանդ Քոչար փողոցում՝ Նար-Դոսի անվան թիվ 14 հիմնական դպրոցի բակում, հսկայական բարդին արմատից պոկվել ու տապալվել է:
Ինչպես հայտնում է Shamshyan. com-ը՝ ըստ նախնական տեղեկությունների՝ բարեբախտաբար տուժածներ չկան, սակայն փլուզվել է դպրոցի տուֆե պարսպի մի հատված, իսկ տապալման հետևանքով վնասվել են դպրոցի դիմաց կայանված Mercedes, Toyota Camry և Mazda 3 մակնիշի ավտոմեքենաները:
Թե ով է փոխհատուցելու քաղաքացիների կրած վնասը, այդ հարցը ասես մնացել է օդում կախված, իսկ մեքենայատերերը կրել են խոշոր չափի նյութական վնաս:
Մանրամասները՝ կայքում: