Ֆրանսիական էներգետիկ ընկերություններն գազի վառարաններից հրաժարվել են. ի՞նչ լուծում են գտել
Ֆրանսիական էներգետիկ ընկերություններն սկսել են գազի վառարաններից անցնել մազութով աշխատելուն, որպեսզի խուսափեն աշխատանքի խափանումներից, եթե հետագայում կրճատվեն ռուսական գազի մատակարարումները, գրել է Reuters-ը։
«Մենք անգամ կարող ենք անցնել ածխի, եթե դրա կարիքը լինի։ Նպատակն այն է, որպեսզի խուսափենք գործարանի փակվելուց, եթե բախվենք գազի անբավարարության»,- ասել է անվադողերի առաջատար արտադրողներից մեկի՝ Michelin-ի տնօրեն Ֆլորան Մենեգոն։ Նավթը նախկինի պես հասանելի կլինի որպես այլընտրանք, ավելացրել է նա։
Ամբողջ Եվրոպայում արդյունաբերությունը դիմում է ավելի «կեղտոտ» վառելիքի, քան գազն է՝ ջանալով նվազեցնել վնասները, նշել է պարբերականը։ Ֆրանսիայի ֆինանսների նախարար Բրունո լը Մերը հայտարարել է, որ անպատասխանատու կլիներ դեֆիցիտին չպատրաստվելը։ Նա Ռուսաստանից գազի մատակարարման դադարեցումը համարել է ամենահավանական սցենարը։
Հանրապետության համար խնդիրն այնքան էլ նշանակալի բնույթ չի կրում, ինչպես եվրոպական շատ այլ պետությունների համար, քանի որ ռուսական գազի բաժինը անհրաժեշտ ծավալում կազմում է 17 տոկոս։
