Twitter-ը դադարել է վճարել իր գրասենյակների վարձավճարները
Twitter-ը դադարել է վճարել իր գրասենյակների վարձավճարները` ծախսերը կրճատելու համար, հաղորդում է The New York Times-ը:
Ըստ լրատվամիջոցի աղբյուրների` գումար խնայելու նպատակով ընկերության ղեկավարությունը դադարեցրել է Սան Ֆրանցիսկոյում Twitter-ի գլխամասային գրասենյակի, ինչպես նաև այն տարածքների վարձավճարները, որտեղ գտնվում են ընկերության ներկայացուցչությունները այլ երկրներում։
Բացի այդ, ըստ The New York Times-ի, Մասկը կարգադրել է չվճարել մասնավոր ավիափոխադրողների ծառայությունների համար, որոնցից օգտվել է ընկերության նախկին ղեկավարությունը, և քննարկում է նաև աշխատանքից ազատված աշխատողներին արձակման վճարները չկատարելու հնարավորությունը։
Պարբերականը նշում է, որ կոշտ միջոցառումներն ուղղված են ընկերության ծախսերի կրճատմանը։
Նրա խոսքով՝ Մասկը իր խնամակալների հետ միասին ուժեղացնում է Twitter-ի իրավաբանական թիմը՝ հնարավոր դատական վեճի ակնկալիքով: