Աբխազիայում դեֆիցիտի պատճառով էլեկտրաէներգիայի անջատումներ կսկսվեն
Աբխազիայում վաղվանից` հունվարի 12-ից, ուժի մեջ է մտնում էլեկտրաէներգիայի անջատման ժամանակացույցը։ Հանրապետության ողջ տարածքում օրվա տարբեր ժամերին այն 4 անգամ մեկ ժամով կանջատվի, հայտնում է աբխազական «Չեռնոմորէներգո» ընկերության մամուլի ծառայությունը։
«Բարձր սպառման պատճառով էլեկտրաէներգիայի դեֆիցիտը հանրապետությունում հասնում է 165 մլն կՎտ/ժ-ի՝ 115-ը՝ Ռուսաստանից հոսքի համար, 50՝ Ինգուր ՀԷԿ-ից սպառման համար»,- նշվում է զեկույցում։
Նշվում է, որ այս սպառմամբ հանրապետությունը 2023 թվականի հունվարի 1-ից մարտի 31-ն ընկած ժամանակահատվածում Ռուսաստանից պահանջել է 715 մլն կՎտժ։
«Սակայն այդ ժամանակահատվածի համար ռուսական կողմը հատկացրել է 600 մլն կՎտ/ժամ, արդյունքում Ռուսաստանի Դաշնությունից 115 մլն կՎտ/ժ դեֆիցիտ է գոյացել»,- նշվում է «Չեռնոմորէներգո»-ի հաղորդագրության մեջ։
Հստակեցվում է նաև, որ Ինգուրի ՀԷԿ-ից 300 մլն կՎտ/ժ սպառման առումով, այս ժամանակահատվածի համար նախատեսված էլեկտրաէներգիայի արտադրությամբ մոտ 250 մլն կՎտ/ժամ, դեֆիցիտը կազմում է մինչև 50 մլն կՎտ/ժ։
