Թբիլիսիում ցուցարարների վերջնագրի ժամը լրացել է․ նրանք պատրաստվում են մարդկային շղթայով շրջափակել խորհրդարանը
Թբիլիսիում բողոքի ակցիայի մասնակիցների կողմից իշխանություններին ներկայացված վերջնագրի ժամը լրացել է։ Այս մասին հայտնում է Sputnik Georgia-ն։
Թբիլիսիի կենտրոնում ցուցարարները հայտարարել են, որ պատրաստվում են մարդկային շղթայով շրջափակել Վրաստանի խորհրդարանը, որի բակում արդեն իսկ ոստիկանական ստորաբաժանումներ են հավաքվում։
Վաղը ցուցարարները նախատեսում են պիկետ անցկացնել խորհրդարանում և խոչընդոտել օրենսդիր մարմնի աշխատանքը։