Մոսկվայում այսօր հրաժեշտ են տվել ռազմական լրագրող Վլադլեն Տատարսկուն: Հայտնում են տեղի լրատվակաները

Մասնավոր ռազմական ընկերության «Վագներ» ղեկավար Պրիգոժինը ևս ներկա է եղել Տատարսկու հրաժեշտի արարողությանը։  

Պրիգոժինը երախտագիտություն է հայտնել Տատարսկուն իր, ինչպես նաև «Վագներ» մարտիկների անունից։ «Վլադլեն Տատարսկին շատ բան արեց, որպեսզի մենք գնանք հաղթանակի և ոչնչացնենք թշնամուն», - ասել է նա:

Հիշեցնենք, վերջինս մահացել էր ապրիլի 2-ին Սանկտ Պետերբուրգի սրճարաններից մեկում, երբ նրա ձեռքում պայթել էր որպես նվեր փոխանցված արձանիկը: Միջադեպը որակվել էր որպես ահաբեկչություն: Ռուսական կողմը հայտարարում է, որ Տատարսկու սպանությունը իրականացրել են Ուկրաինայի հատուկ ծառայությունների պատվերով։