Մանրամասներ՝ Բայդեն-Զելենսկի հանդիպումից
ԱՄՆ նախագահ Ջո Բայդենն այսօր հայտարարել է Կիևին նոր ռազմական օգնություն հատկացնելու մասին։ Բայդենը նման հայտարարություն է արել Հիրոսիմայում Ուկրաինայի նախագահ Վլադիմիր Զելենսկու հետ հանդիպմանը։
Միացյալ Նահանգների նախագահի խոսքով՝ օգնության փաթեթը ներառում է զինամթերք, հրետանի, զրահատեխնիկա։
Այս շաբաթվա սկզբին արևմտյան լրատվամիջոցները հայտնել էին, որ փաթեթը գնահատվել է 375 միլիոն դոլար:
Հիշեցնենք՝ Ուկրաինայի նախագահ Վլադիմիր Զելենսկին G7-ի գագաթնաժողովում հանդիպել է իր ամերիկացի գործընկեր Ջո Բայդենի հետ: