«Արմեն Աշոտյանը քաղբանտարկյալ է, նրան մեկուսացրել են». Սերժ Սարգսյան
ՀՀԿ փոխնախագահ Արմեն Աշոտյանը քաղբանտարկյալ է, նրան մեկուսացրել են ինչ որ վախերից ելնելով։ Այս մասին լրագրողների հետ զրույցում ասաց ՀՀ երրորդ նախագահ Սերժ Սարգսյանը։
«Նրան ներքաղաքական իրավիճակից, միջազգային մեր գործընկերների հետ հարաբերություններից մեկուսացրել են։ Այստեղ կասկածելի ոչինչ չկա։ Այս ամեն ինչը շինծու է»,– ասել է նա։
Նշենք, որ Արմեն Աշոտյանն ու Երևանի պետական բժշկական համալսարանի նախկին ռեկտոր Միքայել Նարիմանյանը մեղադրվում են բուհին պատկանող մոտ 100 հազար դոլարի գույք հափշտակելու մեջ: Այս տարվա հունիսի 16-ից Արմեն Աշոտյանը երկու ամսով կալանավորվել է։
