ԼՈՒՍԱՆԿԱՐՆԵՐ․ «Կինո»՝ ադրբեջանցու և Չեխիայի ոստիկանների մասնակցությամբ
Չեխիայի ոստիկանությունը ադրբեջանցու է ձերբակալել։ Դեպքը տեղի է ունեցել Պրահայում՝ կիրակի՝ հուլիսի 23-ին։
Լրատվամիջոցները նշում են, որ սկզբում Պրահայի ոստիկանները քաղաքի փողոցներում նկատել են սև «Porsche» մեքենա՝ խիստ մգեցված պատուհաններով, որն արգելված է Չեխիայի օրենքներով: Ոստիկանները կանգնեցրել են մեքենան, վարորդին խնդրել ներկայացնել անձը հաստատող փաստաթուղթ և վարորդական վկայական:
«Ոստիկանների մոտ կասկած է առաջացել, որ վարորդն իրենց կեղծ փաստաթղթեր է ներկայացրել։ Նրանք պարզել են, որ այդ անձը ներառված է անցանկալի անձանց ցուցակում և, հետևաբար, անօրինական կերպով գտնվում է Չեխիայի տարածքում», - ասել է Պրահայի ոստիկանության ներկայացուցիչ Յան Ռիբանսկին։
Հասկանալով, որ բացահայտված է, վարորդը մեծացրել է մեքենայի արագությունը, փորձել փախչել։ Ոստիկաններն սկսել են հետապնդել կասկածյալին: Ոլորաններից մեկում վարորդը կորցրել է մեքենայի կառավարումը և բախվել պատին՝ ջարդելով այն։
Տղամարդը ձերբակալվել է: Ստուգման ընթացքում պարզվել է, որ նա Ադրբեջանի քաղաքացի է, որն ընդգրկված է այն անձանց ցուցակում, որոնց մուտքը շենգենյան գոտի արգելված է: Ավտոմեքենայում հայտնաբերվել է եվրոյով կանխիկ գումար:
