Երևանում կորած 15 տարեկան աղջիկը հայտնաբերվեց, գրում է Sputnik Արմենիան: Լրատվամիջոցի տեղեկություններով` իրավապահները նրան հայտնաբերել են ընկերուհու տանը։ Հիշեցնենք` աղջիկն իրենց տնից դուրս էր եկել ապրիլի 27-ի առավոտյան և գնացել անհայտ ուղղությամբ։ Մի քանի ժամ փնտրելուց և չգտնելուց հետո ընտանիքի անդամները դիմել էին իրավապահների օգնությանը։ Աղջկան գտնելու համար համատեղ գործողություններ էին իրականացվել։