Չեխիայի կառավարությունը որոշում է կայացրել վերացնել համաժողովրդական կարանտինը, որը երկրում գործում էր մարտի կեսերից` կորոնավիրուսի համաճարակի հետ կապված: Չեխիան առաջիններից մեկն էր Եվրոպայում, որը ներմուծեց կոշտ կարանտին և առաջինն էլ հրաժարվում է կարանտնի ռեժիմից: Ապրիլի 24-ից սկսած ՝ երկրի բնակիչները կրկին կկարողանան մեկնել արտերկիր՝ պայմանով, որ վերադառնալուց հետո գտնվելու են երկշաբաթյա ինքնամեկուսացման մեջ: Ինչպես հայտնում է currenttime.tv-ին, անհայտ է, թե երբ են բացվելու երկրի սահմանները օտարերկրացիների մուտքի համար:

Երկուշաբթի, ապրիլի 27-ին, կբացվեն 2500 մետրից պակաս տարածք ունեցող խանութները, բացառությամբ առևտրի կենտրոններում տեղակայված խանութների: Ակնկալվում էր, որ դա տեղի կունենա միայն մայիսի վերջին: Կբացվեն նաև ֆիթնես կենտրոններ և կենդանաբանական այգիներ: Համալսարանները կսկսեն ընդունել ուսանողներ: