ՏԵՍԱՆՅՈՒԹ. Ահաբեկչություն Սոմալիում. կան զոհեր և վիրավորներ
Սոմալիի մայրաքաղաք Մոգադիշոյում մահապարտ ահաբեկչի կողմից ավտոմեքենա պայթեցնելու հետևանքով մահացել է առնվազն ութ մարդ, ևս յոթը վիրավորվել են: Ականատեսներից մեկը հայտնել է, որ մեքենան պայթեցվել է նախագահական պալատի մոտ՝ ստուգման ընթացքում:
«Ֆրանս Պրես» -ի տվյալներով՝ ահաբեկչության պատասխանատվությունը ստանձնել են «Աշ Շաբաբ» ծայրահեղական խմբավորման անդամները: Նրանց թիրախը Աֆրիկյան միության ավտոշարասյունն էր:
«Ալ-Շաբաբ» արմատական խմբավորումը պայքարում է Սոմալիի կենտրոնական կառավարության դեմ և խոչընդոտում ՄԱԿ-ի մարդասիրական գործունեությանը: