Արդեն տևական ժամանակ է, Երևան քաղաքի Դավիթ Բեկի փողոցի 105 հասցեի դիմաց մոտ 15 մետր երկարության մարդաբոյ փոսը իսկական պատուհաս է դարձել վարորդների համար։  Գրեթե ամեն օր, հիմնականում գիշերային ժամերին, այդ փոսի պատճառով վարորդները հայտնվում են անհարմար վիճակում. մեքենաները վթարվում են, ու միակ սփոփանքը նա է, որ զոհեր և վիրավորներ չեն լինում։ Թե ով է այդ հսկայական, մարդաբոյ փոսի «կնքահայրը», դեռևս հայտնի չէ։ Այս մասին գրում է shamshyan.com-ը։

Այսօր՝ մայիսի 25-ին ՀՀ ոստիկանության պարեկները սեփական ուժերով հողով լցրեցին փոսը։ Բայց դա վերջնական հարցի լուծում չէ. պետք է՝ պատկան մարմինները շտապ միջոցներ ձեռնարկեն և այն ասֆալտապատեն, հակառակ դեպքում կարելի է նրանց հեռախոսահամարներին ուղարկել վարորդների ձայնային հաղորդագրությունները, թե ինչպիսի «քաղցր խոսքեր էին շռայլում» նրանց հասցեին, իսկ պարեկներին էլ ուղղում էին գովեստի խոսքեր՝ ասելով. 

«Այսպես, որ գնա. պարեկային ծառայությունում պետք է բացեն նաև ճանապարհաշինարարների բրիգադ, ու հաստատ Երևանում ոչ մի փոս չի մնա»։