Ֆրանսիայի ամենաշատ վաճառվող ապրանքը՝ Cristaline խմելու ջուրը, 20 տարվա մեջ առաջին անգամ կթանկանա։ BFM հեռուստաալիքը երեքշաբթի հայտնել է, որ առաջիկա օրերին արժեքը կբարձրանա, գրում է ТАССը։
 

Հեռուստաալիքի տվյալներով՝ Cristaline-ի վեց 1,5 լիտրանոց շշերի փաթեթը ներկայումս արժե միջինը 1 եվրո: Սպառման մասնագետ Օլիվիե Դովերն ասել է, որ գինը կբարձրանա մոտ 10%-ով։
 

Cristaline ջրի գնի վերջին բարձրացումը տեղի է ունեցել, երբ 2002 թվականին ֆրանսիական արժույթը ֆրանկից փոխվեց եվրոյի։ Դրանից հետո գինը կարողացավ պահպանել նույն մակարդակը գործարանների արտադրողականության բարձրացման և աղբյուրների քանակի ավելացման, որոնցից ջուր է արդյունահանվում, ինչպես նաև շշի պատրաստման համար օգտագործվող պլաստիկի քանակի նվազման շնորհիվ: Սակայն նավթի գների աճով պլաստիկի ինքնարժեքը թանկացել է 39%-ով։ Աճել են նաև տրանսպորտային ծախսերը աղբյուրների, գործարանների և մանրածախ առևտրի կետերի միջև:
 

BFM-ի գնահատականների համաձայն՝ Ֆրանսիայում վայրկյանում վաճառվում է  միջինը ավելի քան յոթ տուփ Cristaline ջուր: