Ուկրաինայի նախագահ Վլադիմիր Զելենսկին հայտարարել է, որ Կիևը չի օգտագործի մեծ հեռահարության հրթիռային համակարգերը Ռուսաստանի տարածքը հարվածելու համար։ Այս մասին գրում է RT-ն

«Ես գիտեմ, որ ԱՄՆ-ում կամ Սպիտակ տան որոշ մարդիկ ասում են, որ մենք կարող ենք դրանք օգտագործել Ռուսաստանի վրա հարձակվելու համար. տեսեք, մենք չենք պատրաստվում հարձակվել Ռուսաստանի վրա», - ասել է Զելենսկին Newsmax հեռուստաալիքին տված հարցազրույցում։
 

Նա նշել է, որ Ուկրաինան ռուսական տարածքում չի կռվում։
 

Ավելի վաղ Սպիտակ տան բարձրաստիճան պաշտոնյան հայտարարել էր, որ Ուկրաինային ԱՄՆ ռազմական օգնության նոր փաթեթը կներառի HIMARS համազարկային կրակի ռեակտիվ համակարգեր: