ԱՄՆ ղեկավարությունը ցանկանում է Ուկրաինան դարձնել իր գաղութը. Վոլոդին
ԱՄՆ ղեկավարությունը ցանկանում է Ուկրաինան դարձնել իր գաղութը, քամել երկրից բոլոր ռեսուրսները և օգտագործել այն Ռուսաստանին թուլացնելու համար։ Այս կարծիքը Telegram-ի իր ալիքում հայտնել է Պետդումայի խոսնակ Վյաչեսլավ Վոլոդինը։
Ինչպես նշել է քաղաքական գործիչը, ԱՄՆ նախագահ Ջո Բայդենն ասել է, որ Ամերիկան ցանկանում է տեսնել «ժողովրդավարական, անկախ, ինքնիշխան և բարգավաճ Ուկրաինա»։
«Միացյալ Նահանգներն ուներ ութ տարի՝ Ուկրաինան դարձնելու համար ժողովրդավարական, անկախ, ինքնիշխան և բարգավաճ, երբ պետական հեղաշրջումից հետո ամերիկացի խորհրդականներն ու հրահանգիչները իրականում ղեկավարեցին Կիևի ռեժիմը: Բայց երկիրը զարգացնելու փոխարեն՝ Ուկրաինան, որն ունի մեծ ներուժ՝ թալանվել է։ Ոչ, Վաշինգտոնին անկախ Ուկրաինա պետք չէ: ԱՄՆ ղեկավարությունը ցանկանում է դրանից սեփական գաղութը ստեղծել: Երկրից դուրս քամել բոլոր ռեսուրսները և օգտագործել այն բացառապես Ռուսաստանին թուլացնելու համար»,- ընդգծել է Վոլոդինը:
Վոլոդինի խոսքով՝ ամբողջ աշխարհը տեսել է, թե ինչի է հանգեցրել ժողովրդավարությունը ամերիկյան մոդելով՝ Լիբիայում, Իրաքում, Աֆղանստանում, Սիրիայում և Հարավսլավիայում։