Մենք խոսել ենք առնվազն հարյուր ժամ․ Մակրոնը՝ Պուտինի հետ զրույցների մասին
Ֆրանսիայի և Ռուսաստանի նախագահների հեռախոսազրույցների ընդհանուր տևողությունը վեց ամիսների ընթացքում կազմել է 100 ժամ։ Այդ մասին ուրբաթ օրը տարածաշրջանային մամուլին տված հարցազրույցում ասել է Ֆրանսիայի առաջնորդ Էմանուել Մակրոնը։
«Մենք խոսել ենք առնվազն հարյուր ժամ»,- ասել է Մակրոնը, փոխանցում է ՏԱՍՍ-ը։
«Ուկրաինայում իրավիճակն իսկապես բարդ է, այդ իսկ պատճառով ես այդքան ժամանակ և էներգիա եմ նվիրել դրան»,- ասել է Մակրոնը։
Նրա խոսքով, «արդեն դժվար է հաշվել, թե դեկտեմբերից ի վեր քանի խոսակցություն է տեղի ունեցել ՌԴ նախագահ Վլադիմիր Պուտինի հետ»։
«Մենք խոսել ենք առնվազն հարյուր ժամ»,- ասել է նախագահը։
Նա հավելել է, որ Ուկրաինայի նախագահ Վլադիմիր Զելենսկու խնդրանքով չի թաքցրել այդ բանակցությունները։