Իվանովոյի մարզում հարբած կինը մեքենայով մխրճվել է ամբոխի մեջ՝ քաղաքի օրվա տոնակատարության ժամանակ։

Միջադեպը տեղի է ունեցել նախորդ գիշեր Վիչուգա քաղաքում։ Տուժել են երեք տարեկան երեխա, նրա մայրը և ևս մեկ տղամարդ, հայտնում է երկրի ՆԳՆ-ն։ Նրանք ստացել են տարբեր աստիճանի մարմնական վնասվածքներ և  ոչ ոք հոսպիտալացման կարիք չի ունեցել։

Վարորդը բերման է ենթարկվել ոստիկանություն, նրա նկատմամբ կազմվել է վարչական արձանագրություն։ Գերատեսչությունում հավելել են, որ ավելի վաղ կինը ճանապարհային երթեւեկության կանոնների խախտումներ թույլ չի տվել։