ԱՄՆ Ֆլորիդա նահանգում շնաձկան հարձակումից հետո 17-ամյա աղջկան հաջողվել է փախչել, սակայն բժիշկները ստիպված են եղել անդամահատել նրա ոտքը, ինչպես հայտնում է gazeta.ru-ն՝ հաղորդում է NBC News-ը Միջադեպը տեղի է ունեցել հունիսի 30-ին, Մեքսիկական ծովածոցի ափին գտնվող Քիթոն-Բիչ լողափում։ Էդիսոն Բեթեիի վրա 4 կգ-ից մի փոքր ավելի կշռող շնաձուկ է հարձակվել, երբ նա լողում էր 1․5 մետր խորության վրա։ Բեթեիի եղբայրը նկատելով կատարվողը շտապել է օգնության․ նա սուզվել է և սկսել է ծեծել շնաձկանը, մինչև գիշատիչը լողալով հեռացել է։ Բեթեիին շտապ օգնություն է ցուցաբերվել, սակայն նրա աջ ոտքի մի մասը, ծնկից վերև, լուրջ վնասվել է: Բժիշկները ստիպված են եղել աղջկա ոտքի վնասված հատվածն անդամահատել։ 

«Սա Էդիսոնի համար լավագույն սցենարն է՝ նրան հնարավորինս նորմալ կյանքի վերադարձնելու համար»,- ասել է տուժածի մայրը։ Անցած շաբաթավերջին Եգիպտոսի հարավում գտնվող Հուրգադա շրջանում շնաձկան հարձակման հետևանքով երկու կին է զոհվել։