Այսօր` հուլիսի 7-ին, ավտովթար է տեղի ունեցել Սյունիքի մարզում։ Ժամը 02։30-ի սահմաններում Կապան քաղաքի բնակիչ՝ 22-ամյա Ալեն Մկրտչյանը իր վարած Prado մակնիշի ավտոմեքենայով Հունան Ավետիսյան փողոցի թիվ 2 շենքի մոտ դուրս է եկել ճանապարհի երթևեկելի գոտուց, բախվել մայթեզրի քարերին և մոտ 6 մետր գլորվելով՝ հայտնվել կանաչ գոտում։  Ինչպես հայտնում է ֆոտոլրագրող Գագիկ Շամշյանը, վթարի հետևանքով ուղևորներ՝ Կապան քաղաքի բնակիչներ, 20-ամյա Աշոտ Բաբաջանյանն ու 22-ամյա Դավիթ Բաղդասարյանը քաղաքացիների օգնությամբ դուրս են բերվել ավտոմեքենայից և տեղափոխվել «Կապան» բկ։ 

Հրշեջ-փրկարարները հոսանքազրկել են ավտոմեքենան, փակել գազաբալոնի փականը, ապա վարորդին դուրս են բերել ավտոմեքենայից և մոտեցրել շտապօգնության ավտոմեքենային։ 

Սյունիքի մարզային քննչական վարչություն, որտեղից ժամանել է քննչական խումբը՝ ավագ քննիչի գլխավորությամբ, ում կողմից վթարի առթիվ նախաձեռնվել է քրեական վարույթ: 

Գ. Շամշյանի տեղեկություններով՝ Prado-ի՝ վթարի ենթարկվելու հետևանքով ավտոմեքենայի բեկորներից վնասվել է կից կայանված ՎԱԶ 2121 մակնիշի ավտոմեքենայի կողային հայելին։