Տոյվո Կլաարն անդրադարձել է Հայաստանից Թուրքիա ուղարկվող օգնությանը
Հարավային Կովկասում Եվրամիության հատուկ ներկայացուցիչ Տոյվո Կլաարն անդրադարձել է այս օրերին Հայաստանից Թուրքիա ուղարկվող օգնությանը:
«Թուրքիայում նման մեծ ողբերգության առջև ոգևորիչ է տեսնել իր հարևան Հայաստանի աջակցությունը և դրա ստեղծած դրական արձագանքը»,-թվիթերյան իր միկրոբլոգում գրել է Կլաարը:
Հիշեցնենք, որ Հայաստանը մարդասիրական օգնություն էր ուղարկել Թուրքիա, երկրաշարժից տուժած շրջաններին օգնություն տրամադրելու համար։
Բեռնատարները Թուրքիայի տարածք անցել են երկու երկրների միջև գտնվող Մարգարա կամրջով, որը 1993 թվականից ի վեր՝ շուրջ 30 տարի, չէր օգտագործվել։
