Դաղստանի Հանրապետության քաղաք Մախաչկալայում թափառող շների ոհմակը հարձակվել է երեխայի վրա, նա ստիպված է եղել փախչել դեպի ծովը և փրկվել։ Այս մասին հայտնում է Դաղստանի դատախազության մամուլի ծառայությունը։

Համացանցում տարածված տեսանյութում երևում է՝ ինչպես են մոտ 10 շներ վազում տղայի հետևից, երեխային հաջողվում է ծովը մտնել, իսկ ջրից վախեցած կենդանիները կանգ են առնում ափին։

Միջադեպի առնչությամբ հանրապետության դատախազությունը հետաքննություն է կազմակերպել։