ՏԵՍԱՆՅՈՒԹ. Պարո՛ն Փաշինյան, մեր Արթիկի վիճակը շատ վատ է. բնակչուհին` վարչապետին
Շիրակի մարզ կատարած այցի ընթացքում ՀՀ վարչապետ Նիկոլ Փաշինյանն ունեցել է չնախատեսված կանգառ Արթիկում, որտեղ պետբյուջեի միջոցներով հիմնանորոգվել էր Սպանդարյան փողոցը:
«Ավելի քան կես կմ երկարությամբ փողոցի հիմնանորոգման համար հատկացվել է 124 մլն դրամ: Այնուհետև հարգանքի տուրք մատուցեցի հանուն Հայրենիքի կյանքը նվիրաբերած հերոսների հիշատակին:
Հաջորդիվ ծանոթացա Հոռոմ - Արթիկ - Ալագյազ հանրապետական նշանակության ավտոճանապարհի 4,9 կմ երկարությամբ հատվածի հիմնանորոգման աշխատանքներին, որոնք նախատեսվում է ավարտել այս տարի: Ծրագրի ընդհանուր արժեքը 1 մլրդ 94 մլն դրամ է, որը հատկացվել է պետական բյուջեից»,- գրել է նա:
Բնակիչները տարբեր հարցերով դիմում են Նիկոլ Փաշինյանին` փորձելով պատասխաններ ստանալ: Բնակչուհիներից մեկն էլ ասաց, որ Արթիկում վիճակը շատ վատ է, Փաշինյանն էլ ի պատասխան հավելեց, որ կամաց- կամաց ամեն ինչ կշտկվի:
Մանրամասները` տեսանյութում: