Ոստիկանները Ստեփանակերտում ուժեղացված ծառայություն են իրականացնում։ Այս մասին հայտնում են Արցախի ներքին գործերի նախարարությունից:

«Հաշվի առնելով ստեղծված իրավիճակը՝ Ներքին գործերի նախարարության ոստիկանության ծառայողները Ստեփանակերտ քաղաքի կենտրոնական ու ծայրամասային փողոցներում իրականացնում են ուժեղացված ծառայություն՝ բնակչության անվտանգությունն ապահովելու նպատակով։

Հորդորում ենք տուրք չտալ խուճապային տրամադրություններ ստեղծող գրառումներին և ցուցաբերել զգոնություն», - նշված է հաղորդագրության մեջ։