Հայտնի է, թե որ երկրի նախաձեռնությամբ ՄԱԿ-ի ԱԽ անդամները կքննարկեն իրավիճակը Արցախում

Ֆրանսիայի նախաձեռնությամբ ՄԱԿ-ի Անվտանգության խորհրդի անդամները փակ ձևաչափով կքննարկեն իրավիճակը Լեռնային Ղարաբաղում, հայտնում է ՄԱԿ-ի Անվտանգության խորհրդի աշխատանքի ուսումնասիրման վերլուծական կենտրոնը։

 

Հիշեցնենք, որ դեկտեմբերի 12-ի՝ ժամը 10:30-ից, մի խումբ ադրբեջանցիներ բնապահպանական պատճառաբանություններով փակել են Ստեփանակերտ-Գորիս մայրուղու Շուշի-Քարին տակ հատվածը՝ Լաչինի միջանցքը։ Հարյուրավոր քաղաքացիներ, այդ թվում`անչափահասներ, չեն կարողանում վերադառնալ տուն: Ընդհատված է Շուշիի շրջանի Լիսագոր, Մեծ շեն, Հին շեն և Եղցահող գյուղերի տրանսպորտային կապը մայրաքաղաք Ստեփանակերտի հետ։

Ադրբեջանը դեկտեմբերի 13-ից խափանել էր նաև Արցախի Հանրապետության գազամատակարարումը: Դեկտեմբերի 16-ին գազամատակարարումը վերականգնվել է:

Քաղաքականություն

Պատահարներ