Լեհաստանում Հռոմի Հովհաննես Պողոս II պապի հուշարձանները սկսել են պղծել կաթոլիկ եկեղեցում մանկապղծությունը թաքցնելու մասին աղմկահարույց ֆիլմի թողարկումից հետո։ Այս մասին գրում է 360TV-ն։
 

Նշվում է, որ ոստիկանությունը ձերբակալել է մի տղամարդու, ով կասկածվում է Լոձի տաճարի բազիլիկի դիմաց կանգնեցված Հովհաննես Պողոս Երկրորդի հուշարձանի վրա ներկ նետելու մեջ։ Պոնտիֆիկոսի կերպարի ձեռքերը ներկված են կարմիր, իսկ դեմքը՝ դեղին գույներով։ Պատվանդանին հայտնվել է maxima culpa մակագրությունը, որը հղում է հոլանդացի լրագրող Էկե Օվերբեքի «Maxima Culpa. Հովհաննես Պողոս II-ը գիտեր» գրքի վերնագրին։

Օրեր առաջ Լեհաստանի Ստալևա Վոլայում կանգնեցված Հովհաննես Պողոս II-ի մեկ այլ հուշարձան ողողվել էր կարմիր ներկով։ Մեղավորին բացահայտել դեռ չի հաջողվել։