Ղազախստանում բժիշկները երեխայի ուղեղից որդեր են հեռացրել
Շիմքենթի (Ղազախստան) քաղաքային կլինիկական մանկական հիվանդանոցի բժիշկները տղա երեխայի ուղեղից որդեր են հեռացրել։ Այս մասին հայտնում է տեղական OTYRAR հրատարակությունը։
Լրատվամիջոցները հայտնում են, որ տասը տարեկան մի տղա դիմել է բժիշկներին՝ բողոքելով մշտական գլխացավերից։ Հետազոտության արդյունքում բժիշկները պարզել են, որ հիվանդը գլխուղեղի էխինոկոկոզ ունի։ Տղան ընդունվել է հիվանդանոց և վիրահատվել։ Երեխային վիրահատած վիրաբույժները հայտնել են, որ հեռացրել են 15 x 10 սմ էխինոկոկային կիստա, ինչպես նաև մոտ 10-15 երիզորդ։
Ուղեղի էխինոկոկոզը հազվագյուտ մակաբուծական հիվանդություն է։ Մակաբույծները մարդու օրգանիզմ են մտնում հիգիենայի կանոնները չպահպանելու դեպքում (առավել հաճախ՝ կենդանիների հետ շփման կամ կեղտոտ ձեռքերի միջոցով): Հիվանդության մահացու ելքերը հայտնի են ուշ ախտորոշմամբ։
Ավելի վաղ հաղորդվել էր, որ Վիետնամի բնակչուհու ուղեղում որդեր են հայտնվել կերած դելիկատեսի պատճառով։