Ադրբեջանի արտաքին գործերի նախարար Էլմար Մամեդյարովը հայտարարել է, որ Միլանում Հայաստանի իր գործընկեր Զոհրաբ Մնացականյանի հետ հանդիպմանը փոխըմբռնման են հասել: Այս մասին հաղորդում է Ինտերֆաքս-Ադրբեջանը: «Կարծում եմ, որ Միլանում վերջին հանդիպմանը իմ հայ գործընկերոջ հետ երկար ժամանակվա մեջ առաջին անգամ փոխըմբռնման ենք հասել», – ասել է Մամեդյարովը՝ ավելացնելով, որ իր ժամանակի մեծ մասը նվիրել է ղարաբաղյան հակամարտության լուծման ուղիների որոնմանը: Նրա խոսքով, դա լինելու է նաև հաջորդ տարվա գլխավոր խնդիրը: