«Իրազեկ և պաշտպանված սպառող» ՀԿ նախագահ Բաբկեն Պիպոյանն իր ֆեյսբուքյան էջում գրել է, թե Հարկային նոր օրենսդրությամբ 1 լ վիսկիի ակցիզային հարկը որքան կկազմի: «Տեղյա՞կ եք, թե որքան արժե ոչ բարձրակարգ վիսկիի կամ ռոմի գինը մեր շուկայում: Իսկ հիմա ուշադրություն` հարկային նոր օրենսդրությամբ 1 լ վիսկիի միայն ակցիզային հարկը կկազմի 7000 դրամ ու հստակեցված էլ չէ, թե քանի՞ տոկոսանոց սպիրտի հաշվարկով: 7000դրամ` ավելացնում ենք 1400 դրամ ԱԱՀ և Բարև Ձեզ: Հետաքրքիր է` սա էլ գյուղնախն է առաջարկե՞լ, որ զարկ տանք տեղական գինու արտադրությա՞նը: Այդ դեպքում գինուն ինչո՞ւ ենք ավելացնում: Մնացածի մասին` ավելի ուշ»,- գրել է Պիպոյանը: