SHAMSHYAN.com-ի տեղեկություններով՝  Հայաստանի քննչական կոմիտեի Տավուշի մարզային քննչական վարչությունում նյութեր են նախապատրաստվում երեկ՝ հունիսի 29-ին, ոստիկանության Իջևանի բաժին դիմած  Աչաջուր գյուղի բնակիչ,  24-ամյա Հայկ Օթարյանի դիմումի փաստով: Վերջինս ոստիկաններին հայտնել է, որ հունիսի 28-ի  18:00-ից մինչև հունիսի 29-ի 11:00-ն ընկած ժամանակահատվածում անհայտ անձը կամ անձինք Աչաջուր գյուղի  1-ի փողոցում գտնվող, իրեն պատկանող պատուհանների արտադրամասի պատուհանը տեխնիկական միջոցների գործադրմամբ հանել են ու մտել ներս և այնտեղից հափշտակել 2 հատ հաստոց: Ինչպես հայտնում է ֆոտոլրագրող Գագիկ Շամշյանը,  Հ. Օթարյանը անհատ ձեռներեց է, նրան պառճառվել է մոտ 1մլն դրամի վնաս: Տավուշի մարզի ոստիկաններն ու քննիչները ձեռնարկում են անհրաժեշտ օպերատիվ-հետախուզական և քննչական համատեղ միջոցառումներ՝ հանցագործությունը բացահայտելու, կատարողին կամ կատարողներին և գողոնը հայտնաբերելու ուղղությամբ: