Մեծ Բրիտանիայի իշխող Պահպանողական կուսակցության նոր առաջնորդ Ռիշի Սունակը ստանձնեց երկրի վարչապետի պաշտոնը՝ Չարլզ III թագավորից ստանալով կառավարություն ձեւավորելու մանդատ։ 

Երեքշաբթի օրը Բուքինգհեմյան պալատում տեղի ունեցած արարողության կադրերը հրապարակել է միապետի մամուլի ծառայությունը։ 

Այժմ 42-ամյա Սունակը կուղեւորվի Դաունինգ սթրիթում գտնվող վարչապետի նստավայր, որտեղ հանդես կգա ժողովրդին ուղղված ելույթով։ Նա դարձել է առաջին վարչապետը, որին հավանություն է տվել թագավոր Չարլզ III-ը, որը ստանձնեց գահը սեպտեմբերի 8-ին Եղիսաբեթ II թագուհու մահից հետո։