Ռուսաստանի անվտանգության խորհրդի փոխնախագահ, ՌԴ նախկին նախագահ Դմիտրի Մեդվեդևը հայտնել է, որ հունվարի 1-ից հուլիսի 4-ը ՌԴ զինված ուժերի (ԶՈՒ) շարքեր է ընդունվել ավելի քան 185 հազար մարդ։ Այս մասին նա հայտարարել է պայմանագրային զինծառայողների հետ զինված ուժերի լրացուցիչ համալրման հարցերին նվիրված խորհրդակցությանը, գրել է Kommersant-ը։
 

«Պաշտպանության նախարարության տվյալներով՝ այս տարվա հունվարի 1-ից հուլիսի 4-ն ընկած ժամանակահատվածում զինված ուժերի շարքեր է ընդունվել ավելի քան 185 հազար մարդ, որից մոտ 109 հազարը ռեզերվում է, և այլ կատեգորիաների քաղաքացի, որ պայմանագրով ծառայության է կանչվել»,- ասել է Մեդվեդևը:
 

ԱԽ փոխնախագահն ասել է, որ ձեռնարկված միջոցառումների արդյունքում հունիսին պայմանագրով ընտրության տեմպերն ավելացել են՝ հասնելով օրական 1,4 հազար մարդու։
 

«Ուզում եմ հատուկ նշել, որ զինված ապստամբության փորձը չփոխեց քաղաքացիների վերաբերմունքը ՀՌԳ գոտում պայմանագրային ծառայության նկատմամբ»,- ասել է նա։
 

Դմիտրի Մեդվեդևի խոսքով՝ միայն վերջին շաբաթվա ընթացքում զինված ուժերի հետ պայմանագիր է կնքել գրեթե 10 հազար մարդ։