Պայթյունի ահազանգ Մոսկվայի «Երևան պլազայում»
Մոսկվայի ոստիկանությունն անանուն զանգեր է ստացել ավելի քան 10 օբյեկտներում պայթյունի վտանգի մասին: Այս մասին հայտնել է ТАСС-ը հղում կատարելով՝ իրավապահ մարմիններում իր աղբյուրին։
Աղբյուրը նշել է, որ «ականապատված» օբյեկտների թվում են «Երևան պլազան», «Եվրոպարկը» «Ռիո» առևտրի կենտրոնները, «Սինեմա սթար» կինոթատրոնների ցանցը, նաև Ռուսաստանի տեխնոլոգիական ինստիտուտը:
Իրավապահ մարմինների ներկայացուցիչներն այս պահին ստուգում են այդ օբյեկտները և որոնում կասկածելի իրեր:
Տարածքում աշխատում են նաև ԱԻՆ ներկայացուցիչները:
Աղբյուրը չի նշել` տարհանում իրականացվել է, թե ոչ:
