Դրա բացումն ուղերձ կլինի ողջ աշխարհին, հատկապես Հայաստանին․ էրդողանը՝ Ալիևին
Մենք պատրաստ ենք գլխավոր հյուպատոսություն բացել Շուշիում (Շուշի), երբ Ադրբեջանը ցանկանա։ Այս մասին Ադրբեջան կատարած իր այցի ժամանակ հայտարարել է Թուրքիայի նախագահ Ռեջեփ Թայիփ Էրդողանը, փոխանցում են ադրբեջանական լրատվականները։
«Եվ դրա բացումն ուղերձ կլինի ողջ աշխարհին, հատկապես Հայաստանին»,- ասել է Թուրքիայի ղեկավարը։
Հիշեցնենք՝ ավելի վաղ հայտնի էր դարձել, որ ընթանում է պետական այցով Ադրբեջան ժամանած Թուրքիայի նախագահ Ռեջեփ Թայիփ Էրդողանի դիմավորման պաշտոնական արարողությունը։ Դիմավորումից հետո մեկնարկել է Էրդողան-Ալիև առանձնազրույցը։