Ստոլտենբերգը հայտարարել է, որ աշնանը կլքի ՆԱՏՕ-ի գլխավոր քարտուղարի պաշտոնը
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ հոկտեմբերին իր լիազորությունների ավարտից հետո չի նախատեսում ընդունել Հյուսիսատլանտյան դաշինքում աշխատանքը շարունակելու առաջարկը։ Այս մասին նա հայտարարել է Կոպենհագենում Դեմոկրատական համաժողովում, հաղորդում է ՌԻԱ Նովոստին։
«Իմ միակ ծրագիրն այս աշնանը իմ լիազորությունները վայր դնելն է: Ես պաշտոնավարելու եմ երկու անգամ ավելի երկար, քան ի սկզբանե նախատեսված էր, եւ սա այն ամենն է, ինչ կարող եմ ասել այս մասին»,- ասել է Ստոլտենբերգը։
